АҞӘА, жәабран 4 - Sputnik. Урыстәыла ахада Владимир Путини КЖәР ахантәаҩы Си Цзиньпини жәларбжьаратәи аизыҟазаашьақәеи аглобалтә ҿиареи рзы аицҳәамҭа рнапы аҵарҩит ҳәа аанацҳауеит Кремль.
"Аганқәа еилыркаауеит адемократиа ауаажәларратә малны ишыҟоу, хаз игоу ҳәынҭқаррақәак рзымацара акәымкәа, иара ахьчареи аҳаракреи адунеитә еилазаараҿ зегьы ирзеиԥш усны ишыҟоу", - ҳәа аҳәоит атекст аҿы.
Адокумент аԥҟара хадақәа ракәны иҟоуп Москвеи Пекини:
Ртәылақәа рыҩнуҵҟатә усқәа адәныҟантә аҽалагалара, адунеитә шәарҭадара аҵшәаара, "аԥшшәы змоу ареврлиуциақәа" ирҿагылалоит;
Иҭышәантәалоу адунеи ашәарҭадара аиҿкаараҿ ШОС ахықәкы аизҳареи арӷәӷәареи;
Ааԥхьара рырҭоит аиадертә бџьар змоу аҳәынҭқаррақәа аиадертә еибашьра алдмыршарц;
Евразиатәи аекономикатә еидгыла аҿиарази ЕАЕСи Китаии рыбжьара апрактикатә усеицураз апланқәа аус рыдулара мҩаԥыргоит;
Арктика аҿиара аусхк аҿы апрактикатә кооперациа арҭбаара азыԥхьагәарҭоит;
АСЕАН ахықәкы арӷәӷәаразы аусурақәа мҩаԥыргалоит арегионалтә архитектура ихадоу хәҭоуп ҳәа иԥхьаӡаны;
Аинтернет анапхгараҿы еиҟароу азинқәа рзы иқәгылоит, амилаҭтә сигментқәа рҭышәныртәалара азин аԥкра иаҿагылоит;
Гәҭакыс ирымоуп Аҩбатәи адунеитә еибашьреи аибашьрашьҭахьтәи адунеиеиҿкаареи реиҵаҟьара алмаршара, ООН аҳаҭыри жәларбжьаратәи аизыҟазаашьақәа рҿы аиашареи рыхьчара, аҭоурых арҩашьара аҿагылара.
Атекст аҿы инаҵшьны иазгәаҭоуп иарбан тәылазаалак азин шамам ахатә шәарҭадара адунеитә шәарҭадара иаҿыганы, ма џьоукы ирԥырхаганы амаҩаԥгара.
Иахьа Путин Пекинҟа дцеит Китаи ахада иԥылареи Аолимпиатә хәмаррақәа раартра аусмҩаԥгатә аҽалархәреи рзы.