АҞӘА, жәабран 7 - Sputnik. Урыстәылеи Франциеи рхадацәа Владимир Путини Еммануель Макрони реиԥылараҿ иалацәажәоит Европа иҟоу аҭагылазаашьа еибарххара ҳәа иҳәеит Урыстәыла ахада ипресс-маӡаныҟәгаҩ Дмитри Песков. Абри атәы аанацҳауеит РИА Новости.
Путини Макрони реиԥылара азгәаҭоуп асааҭ 17:00 азы, анаҩс имҩаԥгахоит рыпресс-конференциа.
"Хадара рыҭахоит Украина инадҳәаланы Европа иҟоу аибарххарақәа, Урыстәыла ашәарҭадараз ахәдықәҵарақәа, уи иадҳәалоу егьырҭ ауадаҩрақәа", - иҳәеит иара.
Иара убасгьы иазгәеиҭеит, амшхәаԥштә аҟны ишарбам "Северный поток — 2" алацәажәара.
Кремль асубиективтә еилацәажәара ҟалап ҳәа иазыԥшуп, аиԥылара аԥхьа ҭеллатәи аицәажәарақәа маҷымкәа имҩаԥган.
Песков убри аан иҳәеит, урыстәылатәи аган еиҭакра дук иазыԥшым ҳәа.
"Еммануель Макрон Евроеидгылаҿы хантәаҩра зуа атәыла дахагылоуп. Аха ҳара иаадыруеит уи Европа аҭынчра аҭышәныртәаларазы аидеиақәа рхианы дшаауа",- иҳәеит Песков.