АҞӘА, жәабран 11 – Sputnik. Аԥсны Акультура аминистр Гәдиса Агрба имаҵзураҟынтә ихы дақәиҭтәуп, абри азы адҵа инапы аҵеиҩит Атәыла ахада Аслан Бжьаниа.
"Аԥсны Акультура аминистр Агрба Гәдиса Едуард-иԥа ихатәы рзаҳал ашьаҭала имаҵура дамхзааит", - ҳәа аҳәоит адокумент аҿы.
Аамҭала Акультура аминистр инапынҵақәа налыгӡалоит аминистр ихаҭыԥуаҩ Динара Смырԥҳа.
Гәдиса Агрба Акультура аминистрра дахагылан рашәара 5 2020 шықәса раахыс. Ари аҭыԥ аҿы иара диԥсахит Ельвира Арсалиаԥҳа.