АҞӘА, жәабран 16 – Sputnik. Ахаккеи азы еизгоу урыстәылатәи акоманда Даниа акоманда иаԥыганы Аолимпиатә хәмаррақәа рфиналбжахь инеит ҳәа аанацҳауеит РИА Новости.
1/4 афинал 3:1 ҳәа еилгеит урыстәылаа риааирала. Анаҩстәи изындаҭло деилкаахоит Финлиандиа — Швеицариа, Швециа — Канада рыхәмарра ашьҭахь.
Афиналбжа мҩаԥгахоит жәабран 18 азы.
Ахаккеи азы Урыстәылатәи акоманда адунеи иачемпионуп. 2018 шықәсазы Пхенчхантәи Аолимпиадаҿы Германиа акоманда иаиааины ахьтәы медал агеит.
Канадеи Урыстәылеи ахаккеи азы адунеитә ԥыжәара рымоуп. СССР аиааирақәа азгәаҭаны амилаҭтә команды 27 иааира адунеитә чемпионатқәа рҿы иагахьеит (22 – асовет команда. 5 – Урыстәыла акоманда), Аолимпиатә хәмаррақәа раан 9 иааирак агахьеит (7 – СССР акоманда, 1 – ИАР акоманда, 1 – Урыстәыла акоманда).
Уажәы ажәбатәи аҭыԥ аҿы игылоуп. Аԥыжәара рымоуп Норвегиа, Германиа, ЕАА. Урыстәылатәи аспортсменцәа ахьтәы медалқәа ԥшьба, аразны медалқәа бжьба, аџьаз медалқәа жәба ранашьоуп.