АҞӘА, жәабран 24 – Sputnik. Аладатәи Урыстәыла аҳаирбаӷәазақәа рҟынтә аԥыррақәа ԥкхоит хәажәкыра 2 асааҭ 03:45 аҟынӡа, аанацҳауеит Росавиациа.
"Украина акәша-мыкәша иҟоу аҭагылазаашьа инадҳәаланы 2022 шықәса жәабран 24, асааҭ 03:45 инаркны Аладатәи Урыстәыла аҳаирбаӷәазақәа рҟынтә аԥыррақәа ԥкхоит хәажәкыра 2 асааҭ 03:45 аҟынӡа", -аҳәоит адырраҭара.
Росавиациа аус зымуа абаӷәазақәа рыӡбахә аҳәеит: Ростов (Платов), Краснодар (Пашковски), Анапа (Витиазево), Геленџьик, Елиста, Ставрополь, Белгород, Брианск, Орел, Курск, Воронеж, Симферополь.