АҞӘА, жәабран 24 - Sputnik, Асмаҭ Ҵәыџьԥҳа. Аттестациада ма аттестациа еилаганы аекскурсиатә мҩаԥызго ахараԥса рықәҵахоит, аџьахә хышәынтә рҟынӡа ишьҭыхны ахараԥса рықәырҵоит атәылауаа, аиурист хаҿқәа – хәышәынтә еиҳаны.
Атуризм аусхк аҟны азакәанԥҵаратә актқәа иалагалоу аԥсахрақәа рыла, закәаншьаҭада аекскурсиамҩаԥгаҩцәа ахараԥса 18 000 мааҭ рықәырҵоит, аиурист хаҿқәа – 30 000 мааҭ.
Фымз рыҩныҵҟа азакәан аилагара ҽазнык аҭыԥ аиур ҩынтәны еиҳаны ахараԥса рықәҵахоит.
Апарламент иаднакылаз азакәан апроект аҿы, иара убасгьы иарбоуп Аԥсны аекскурсиақәа амҩаԥгаразы азин змоу Аԥсны атәылауаа рымацара шракәу.
Аԥсны аекскурсиамҩаԥгаразы зынӡа алицензиа рымоуп 500-ҩык. Урҭ Атуризм аминистрраҿы акурс ҷыдақәа ирхысуеит, аамҭа-аамҭала рҟазара иацырҵоит.