АҞӘА, жәабран 25- Sputnik. Урыстәыла Атранспорт аминистрра аоперштаб "ацәаҳәа ҷыдақәа" аԥнаҵоит аусура аиҿкааразы. Урҭ рыла изҭаху аинформациа иоуеит даҽа мҩахырхарҭак алхразы. Абри атәы аанацҳауеит аминистрра апресс-маҵзура.
"Атәыла аладатәи ахәҭаҿы аусура аиҿкааразы Атранспорт аминистрра аоперштаб "ацәаҳәа ҷыда" еиҿнакааит, зыла ауааԥсыра аҳаиртә баӷәазақәа русуреи даҽа хырхарҭамҩак ала аинформациа роур зылшо", - ҳәа аҳәоит аминистрра аҳәамҭаҿы.
Аҭел: +7 499 495-00-09. Ихәыдаԥсадоуп. Иааиԥмырҟьаӡакәа аус ауеит.
Аихамҩатә усбарҭақәагьы атранспорттә еимадарақәа русура аиҿкааразы абри аҩыза амаҵзура аԥырҵеит. Азҵаарақәа зегьы рҭак аиура алшоит абри аҭел ала: 8-800-775-40-12.