АҞӘА, жәабран 25 – Sputnik. XV-тәи жәларбжьаратәи аӡынтәи Иури Башмет ифестиваль аҳәаақәа ирҭагӡаны имҩаԥысит урыстәылатәи ахортә капеллақәа хԥеи аԥсуа хортә капеллеи злахәу "Бориси Глеби рзы аҳәамҭа" аопера аԥхьарбаратә қәгылара ҳәа аанацҳаит Аԥсны акультура аминистрра.
"Ҳара ҳзы даара акраҵанакуеит Аԥснытәи аҳәынҭқарратә капелла Чайковски ихортә опера " Бориси Глеби рзы аҳәамҭа" анагӡара алахәхара. Ауснагӡатә мҩаԥысуеит XV-тәи жәларбжьаратәи аӡынтәи Иури Башмет ифестиваль аҳәаақәа ирҭагӡаны", - ҳәа Москва аиҳабыра рпремиа алаурет, адирижиор Александр Соловев иажәақәа аминистрраҿы еиҭарҳәоит.
Соловев иажәақәа рыла, аопера адунеитә ԥхьарбара, Аԥснытәи акапелла алархәны имҩаԥган 2020 шықәсазы, ахьӡ дугьы аман.
"Шәара шәалахәрала арҿиамҭа аиҭанагӡара ақәҿиара ду аман. Сақәгәыӷуеит ԥхьаҟагьы ҳарҿиаратә еиныррақәа ирыцҵахап ҳәа" - иҳәеит адирижиор.
Жәабран 16-27 рзы Шәача имҩаԥысуеит XV тәи жәларбжьаратәи аӡынтәи Иури Башмет ифестиваль.