АҞӘА, жәабран 28 - Sputnik. Америкатәи аилахәыра Meta Урыстәыла Facebook-и Instagram-и аҿырхӡом иахәҭаны ишьам ҳәа ахьаԥхьаӡаз азы. Абри атәы иҩуеит Twitter аҿа аоператор ахада ихаҭыԥуаҩ Ник Клегг.
Иара иҳәеит, аилахәыра украинаа рҟынтәи аҳәарақәа шаиуа Урыстәыла асоциалтә ҳа Meta иаҿыгазарц азы.
"Украинаа иҳадыргалоит Урыстәыла Facebook-и Instagram-и ирҿыгазарц. Ҳара ҳгәаанагарала ҳмаҵзура абри аҩыза аамҭазы аанкылара ауаа рҭахрақәа аҳәара аԥкра иазырхахоит ҳәа", - иҩуеит иара Twitter аҿы.
Иара иҳәеит Facebook-и Instagram-и Урыстәыла рхы иадырхәоит аҿагыларази ихьыԥшым аинформациа аиурази ҳәа.
Уаанӡа Meta ателеканал "Звезда", аинформациатә маҵзура РИА Новости, аинтернет-плошьчадка "Лента.ру", "Газета.ру" русура ԥнакхьан. Роскомнадзор уи аҭакс хәҭа-хәҭала Facebook аԥкырақәа анаҭоит, асоциалтә ҳа Урыстәыла ауааԥсыра рзин хадақәеи рхақәиҭрақәеи еиланагоит ҳәа иазыԥхьаӡаны, Урыстәылатәи АИХқәа ԥшьба рофициалтә аккаунтқәа ахьанаркыз азы.