АҞӘА, жәабран 28 - Sputnik. Гагратәи аклуб "Чемпион" аспортсмен қәыԥшцәа акикбоксинг азы Урыстәыла Аладатәи афедералтә ачемпионат аҿы аԥыжәаратә ҭыԥқәа ныркылеит ҳәа аанацҳауеит Аԥсны аҿари аспорти рзы Аҳәынҭеилакы.
Аицлабрақәа реихшьаалала аԥснытәи аспортсменцәа актәи (акы), аҩбатәи (акы), ахԥатәи (акы) аҭыԥқәа ныркылеит.
"Ахьы" лгеит Валериа Дашьиан, аиааира илнаҭоит алшара Урыстәыла ачемпионат ахь анеираз. Аҩбатәи аҭыԥ игеит Альфред Мумџьиан, ахԥатәи - Ренат Барцыц.
Анапа имҩаԥысыз ачемпионат иалахәын 500-ҩык аспортсменцәа 13 шықәса ирҭысхьоу.