АҞӘА, хәажәкыра 1 - Sputnik. Бавариатәи аҳәынҭқарратә опера аус рыцура иаҟәыҵит аоператә шәаҳәаҩы Анна Нетребкои адирижиор Валери Гергиеви Урыстәыла Украина имҩаԥнаго аусқәа рзы "ишахәҭоу ахәшьара арымҭаӡеит" ҳәа, абри атәы иҳәеит аопера анагӡаратә директор Серж Дерни.
"Урыстәыла Украина имҩаԥнаго аусқәа рзы Анна Нетребкои Валери Гергиеви ишахәҭаз позициак ахьаанырымкылаз Бавариатәи аҳәынҭқарратә операҟны аус рыцура аанкылоуп", - ҳәа иҩит Дерни Twitter аҟны.
Уи аԥхьа, Гергиев Миунхентәи афилармониатә аоркестр аҟны иусура дамырххьан.