АҞӘА, хәажәкыра 1 – Sputnik. Аилахәыра Mastercard аҳәамҭа ҟанаҵеит асанкциақәа инарыдҳәаланы афинанстә еиҿкаарақәак аус рыцура шааннакыло азы.
"Асанкциақәа рзы аӡбрақәа инарыдкыланы афинанстә институтқәак аԥарашәаратә ҳа Mastercard аҿаҳхит", - ҳәа азгәаҭоуп акьыԥхьымҭаҿ.
Аҳәамҭаҿ иазгәаҭоуп аилахәыра аҳәаақәҵаратә усбарҭақәа аус шрыцнауа ахыдҵақәа рынагӡаразы.
Абас ала, аԥкрақәа ирыҵаркуа абанкқәа рԥарашәаратә хсаалагақәа аҳәаанырцәи аинтернет-дәқьанқәеи рҿы рымаҵ ауӡом.
Убри аан Урыстәыла аҩнуҵҟа уадаҩра ҟалом атранзакциақәа Амилаҭтә ԥарашәаратә системала иахьымҩаԥысуаз.