АҞӘА, хәажәкыра 1 – Sputnik. Пицунда лаҵарамзазы иалыркаауа аԥсшьарҭатә ҭыԥқәа жәаба ирыҵанакит ҳәа аанацҳаит апортал Tvil.ru.
Ареитинг иаҵанакит иара убасгьы: Иалта, Шәача, Санкт-Петербург, Углич, Лахденпохиа, Манжерок, Банное, Абрамцево, Андреаполь.
Убри аан зегь раасҭа акоттеџьқәа рҿы аԥсшьарақәа еиҳа рыхә маҷны иаҿарҵоит Пицунда, ахәқәа еиҳа иҳаракуп — Санкт-Петербург.
Tvil.ru астатистикала атуристцәа лаҵарамзазы акоттеџьқәа аҿарҵоит 1-15 уахи-ҽни, инырхуеит 1,5 - 32 нызқь мааҭ. Аиҳарак акоттеџьқәа ҿарҵоит аҭаацәарақәа—35,67%, аилахәырақәа — 23,57%.
Лаҵарамзазтәи аԥсшьарақәа раан акоттеџьқәа ахьҿарҵо ахырхарҭақәа жәаба.
Ақалақь | Бжьаратәла аԥсшьара аамҭа | Бжьаратәла ахәԥса |
Иалта | 9,6 у-ҽ | 4182 м |
Шәача | 15,8 у-ҽ | 8665 м |
Лахденпохиа | 3 у-ҽ | 6917 м |
Банное | 3,5 у-ҽ | 6193 м |
Углич | 2 у-ҽ | 6900 м |
Манжерок | 6 у-ҽ | 10000 м |
Абрамцево | 8 у-ҽ | 4500 м |
Пицунда | 9 у-ҽ | 1456 м |
Санкт-Петербург | 1 у-ҽ | 32000 м |
Андреаполь | 5 у-ҽ | 2800 м |
Асиа шьақәыргылоуп 2022 шықәса лаҵара 1-31 рзы атуристцәа заанаҵтәи рҿаҵарақәа рышьаҭала.