АҞӘА, хәажәкыра 1 - Sputnik. Америкатәи аилахәыра Meta Евроеидгыла аҵакыраҿы RT-и Sputnik-и русура ԥнакуеит ҳәа аҳәамҭа ҟаиҵеит аоператор ахада ихаҭыԥуаҩ Ник Клегг.
"Евроеидгыла атәылақәа реиҳабырақәа рҟынтәи азыҳәақәа ҳауеит иахәҭоу ашьаҿақәа мҩаԥгазарц урыстәылатәи АИХқәа рганахьала. Иҟоу аҭагылазаашьа азгәаҭо, Meta Евроеидгыла аҵакыраҿы RT-и Sputnik-и русура ԥнакуеит", - ҳәа иҩуеит Клегг Twitter аҿы.
Урыстәыла имҩаԥнаго аоперациа ҷыда иахҟьаны Урсула фон дер Лиаен лажәақәа рыла, аԥкрақәа ирыҵаркуеит RT, Sputnik урҭ рыҟәшатә еилазаарақәа.