АҞӘА, хәажәкыра 2 - Sputnik. Мексика аиҳабыра асанкциақәа рыҽрыладырхәуам, урыстәылатәи аиҳабыреи дареи реизыҟазаашьақәагьы реицәатәра рҭахым, абас аҩуеит РИА Новости атәыла ахада Андрес Мануель Лопес Обрадор иажәақәа шьаҭас иҟаҵаны.
"Ҳара иарбанызаалак економикатә ԥынкыларак ҟаҳҵом, избанзар егьырҭ аҳәынҭқаррақәеи ҳареи ҳаизыҟазаашьақәа рыԥхасҭатәра ҳҭахым", - ҳәа иҳәеит аполитик ипресс-конференциаҿы.
Мексика ахада иазгәеиҭеит Украина азҵаарала аимак зыбжьоу аганқәа аиҿцәажәарақәа рыбжьазарц шиҭаху.