АҞӘА, хәажәкыра 4 - Sputnik. Аԥсны ауаажәларратә палата Донбасс ахьчаразы аоперациа ҷыдеи Донецки Лугански рхьыԥшымра азхаҵаразы Аԥсны ахада Аслан Бжьаниа иӡбареи ирыдгылоит ҳәа аҳәоит апалата ирыланарҵәаз аҳәамҭа.
Аҳәамҭаҿ иазгәаҭоуп Донбасс ажәлар аашықәса аибашьра ишалагылаз, Аԥсны ауаажәлар аҭынчра аҵакы еилкаауа урҭ шеилыркаауа.
"Ауаажәларратә палата Аԥсны астратегиатә партниор – Урыстәылатәи Афедерациа аҭынч уааԥсыра рыхьчаразы иҟанаҵо аоперациа иадгылоит", - ҳәа аҳәоит апалата аҳәамҭа.
Уи адагьы Апалата алахәылацәа ахҵәацәа агуманитартә цхыраара рырҭоит.
Ауаажәларратә палата иазгәанаҭеит Украина аганахь ала атәыла ауаажәларра-политикатә мчрақәа ражәа шеиқәшәо, украинатәи ажәлар ирзеиӷьаршьоит аҭынчреи аҭышәынтәалареи.