АҞӘА, хәажәкыра 7 - Sputnik. Украина арра-биологиатә программа аус адыруылон, Киев ашьҭақәа рыҵәахра иаҿуп ҳәа аанацҳауеит РИА Новости Урыстәыла атәылахьчара аминистрра аофициалтә хаҭарнак, аинрал-маиор Игор Конашенков иажәақәа шьаҭас иганы.
Иара иажәақәа рыла, абиологиатә бџьар аус адулара ахәԥса ахыршәаауан Еиду аштатқәа.
"Арратә операциа ҷыда амҩаԥгараан иаарԥшын Еиду аштатқәа аԥара ззоурыжьуаз арра-биологиатә абџьар аус адулара шцоз, киевтәи арежим уажәы рышьҭақәа шыдрыцқьаз", - ҳәа иҳәеит Конашенков.
Атәылахьчара ахаҭарнак игәаанагарала арратә операциа ианалага ашьҭахь Пентагон ацәшәара аиуит Украина аҵакыраҿы абиологиатә експериментқәа шымҩаԥыргоз ааԥшуеит ҳәа.
Украинатәи абиолабораториақәа русуҩцәа рҟынтәи Урыстәыла аҳәаа ааигәара Украина абиологиатә бџьар акомпонентқәа аус шрыдыруылоз зҳәо адокумнтқәа роуит.