АҞӘА, хәажәкыра 14 - Sputnik. Ҩажәаҩык ауаа ҭахеит, жәҩык ахәрақәа роуит украинатәи аруаа Донецк аракетақәа "Точка-У" ала ралахысраан ҳәа аанацҳауеит ДЖәР аҵакыратә хьчара аштаб Telegram-канал аҿы.
"Украинатәи аруаа аҽазныкгьы рхы иадырхәеит атактикатә ракетатә комплекс "Точка-У" Донецктәи аиланхарҭақәа рганахьала. Иҭархоуп аҭынч уааԥсыра, аграждантә инфраструктура аобиектқәа", - ҳәа аҳәоит адырраҭараҿы.
ДЖәР Агәабзиарахьчара аминистрра аҳәамҭа ҟанаҵеит 16-ҩык ҭахеит, 23-ҩык ааха роуит ҳәа.
Донецктәи амчрақәа ари терактуп ҳәа иршьоит. ДЖәР ахада Денис Пушилин иҳәеит аракета кассетатә ҭырҟьақәа аман ҳәа. Ақалақь ахада Алексеи Кулемзин уаанӡа иҳәеит иара шкарыжьыз Аиҳабыра рыҩны ааигәара.
Денис Пушилин Донецк "Точка-У" ала алахысра ашьҭахь ареспубликаҿы аџьабармш рылаҳәоуп ҳәа. ЛЖәР аҳәамҭа ҟанаҵахьан хыԥхьаӡара рацәала ауаа рыжырҭа ҭыԥ шырыԥшааз азы Попасниантәи аихамҩа ааигәара.