АҞӘА, хәажәкыра 15 – Sputnik. Урыстәылатәи ар Херсонтәи аобласт рнапахьы иааргеит ҳәа аҳәамҭа ҟаиҵеит Урыстәыла атәылахьчара аминистрра аофициалтә хаҭарнак, аинрал-маиор Игор Конашенков.
"Урыстәыла Арбџьар мчқәа Херсонтәи аобласт аҵакыра зегьы рнапахьы иааргеит ", – иҳәеит Конашенков абрифинг аҿы.
Аминистрра ахаҭарнак иажәақәа рыла ДЖәР ар ргәыԥ жәыло украинатәи амилаҭеилыхцәа рыр ирымпыҵырхит аиланхарҭа Пантелеимоновка. Иахьазы ДЖәР ар Верхнеторецкое - Новоселовка-2 рымҵан игылоуп.
Херсон областтә центруп. Хәажәкыра 2 азы аурыс ар ахылаԥшрахь ииасит. Ақалақь ахадареи аруааи реицәажәарала асоциалтә ргыларақәа аус руеит, ауааԥсыра ршәарҭадареи рзинеиҿкаареи еиқәыршәоуп. Ақалақь ахь инагоуп агуманитартә цхыраара.