АҞӘА, хәажәкыра 18 – Sputnik, Бадраҟ Аҩӡба. Лугансктәи Жәлар Рреспубликантәи Аҟәа асасааирҭа "Аиҭар" аҟны иҟаз ахҵәацәа рыхәҭак рыҩныҟақәа рахь ихынҳәырц рҭаххеит.
"Иахьа 37-ҩык ахҵәацәа Луганскҟа игьежьуеит, уа аҭагылазаашьа маҷк аҽарҭынчит аҟынтәи аҩныҟа ихынҳәырц рҭаххеит. Инаскьаҳгоит, дара ргәалаҟазаара бзиуоп. Дәыӷбала иҳашьҭуеит, абилеҭқәа Аԥсны анапхгара иаанахәеит. Каменск-Шахтинск аҟны автобус рызԥшызаауеит, ЛЖәР Аҭагылазаашьа ҷыдақәа рзы аминистрреи ҳареи ҳаицәажәеит", - иҳәеит Аԥсны АҶ рминистр Лев Кәыҵниа.
Аԥсны аҭагылазаашьа ҷыдақәа рминистрра жәабран 24 рзы Аԥсныҟа иааргеит ДЖәР-и ЛжәР-и рҟынтәи ахҵәацәа, мышқәак рнаҩс иааит ахҵәацәа аҩбатәи ргәыԥ, зынӡа Аҟәа иҟан 118-ҩык.
Ахҵәацәа ҩнан асасааирҭа "Аиҭар", уаҟа дара ирзаԥҵан аҭагылазаашьа бзиақәа.