АҞА, хәажәкыра 18 - Sputnik. Урыстәылатәи аруаа 1393 танки акәылӡтәы машьынақәеи ҭадырхахьеит Украина аоперациа ҷыда иаалагазар ҳәа аанацҳауеит РИА Новости, Урыстәыла Атәылахьчара аминистрра аофициалтә хаҭарнак Игор Конашенков иажәақәа шьаҭас иганы.
"Арратә операциа ҷыда ҳаалагазар, иҭархоуп: украинатәи аҳаирпланқәеи авертолиотқәеи 182, аԥырҩы дызҭам аппаратқәа 177, атанкқәеи акәылӡтәы машьынақәеи 1393, ареактивтә системақәа 134, артиллериашьақәгылеи аминаршәгақәеи 523, 1182 ак арратә автомашьынатә техника", - иҳеит Конашенков.
Иара убасгьы иҳәеит, уахыки-ҽнаки рыла ишкажьыз: аԥрыгатә аппаратқәа 14 – авертолиотқәа ҩбеи 12 дрони, арахь иахыԥхьаӡалоуп "Байрактар ТБ-2" ҩба.
Уаанӡа аминистрра адырра ҟанаҵахьан Ровентәи аобласт аҿы аџьаԥҳанышьҭаҵарҭа ԥжәоуп ҳәа. Уа иҵәахын акомплекс "Точка-У" азы аракетақәагьы. Ари абџьархкы ала мышқәак раԥхьа Донецк ақалақь иалахысит, иҭахеит 20-ҩык аҭынч уааԥсыра.