АҞӘА, хәажәкыра 18 – Sputnik, Бадраҟ Аҩӡба. Хәажәкыра 18 рзы Аԥсны АҶА 20 тонна агуманитартә цхыраара Донецктәи Жәлар Рреспубликахь инанагоит Аԥсны АҶА ҳәа иҳәеит аусбарҭа ахада Лев Кәыҵниа.
"Аидара аиҿкаара иахьа ихҳаркәшеит. Асааҭ хәба шыҟоу амҩа ҳақәлоит. Ацхыраара ҩымш-хымш рыҩнуҵҟа еизган. Ара иҟоуп зыда ԥсыхәа ыҟам атауарқәа, афымцамчгенераторқәа. Сгәыӷуеит, уаҵәы-уаҵәашьҭахь Донецк ҳҟалап ҳәа", – иҳәеит Кәыҵниа.
Хәажәкыра 12 рзы 25 тонна агуманитартә цхыраара Лугансктәи Жәлар Рреспубликахь инаган.
Хә-еидарамҩангагак рызна зыда ԥсыхәа ыҟам атауарқәа, ахәмаргақәа, аԥаҭлыка иҭоу аӡы, ацитрусқәа ЛЖәР ахь инашьҭын.
Украина ДЖәР-и ЛЖәР-и ирылахысуа ианалага аҭынч уааԥсыра ықәҵуа иалагеит.
118-ҩык ахҵәацәа Донбасс иахыҵыз, Аҟәа, асасааирҭа "Аиҭар" иҩноуп.
Хәажәкыра 18 рзы урҭ рҟынтәи 37-ҩык Луганскҟа ихынҳәит.