АҞӘА, хәажәкыра 18 - Sputnik. Урыстәыла Донбасс ажәҩан аҵакыраҿы аԥырра ахьыԥку азона еиҿнакааит ҳәа аҳәамҭа ҟаиҵеит ДЖәР Жәлар рмилициа аофициалтә хаҭарнак Едуард Басурин.
"Ааи, излазбо ала иаркуп", — иҳәеит иара ателеканал "Россия 24" аефир аҟны, арегион аҿы ажәҩанҵакыра аркума ҳәа иҭаз азҵаара аҭакс.
Басурин иара убасгьы ДЖәР ахада Денис Пушилин Донбасс аҳаирбџьармчқәа рҿагыларатә шьақәгылақәа (ПВО) рсистемақәа рырӷәӷәаразы иҟаиҵаз аҳәара ахҳәаа аиҭеит.
Хәажәкыра 17 рызтәи адыррақәа рыла ирхәашоуп 4 000 инареиҳаны Украина арратә инфраструктура аобиектқәа, иҭархоуп 181 ҳаирплан, аԥырҩы дызҭам аппаратқәа 172, Bayraktar TB2 назлоу, 1,3 нызқь танки акәылӡтәы машьынақәеи, арратә автомашьынатә техника ҷыда.