АҞӘА, хәажәкыра 22 – Sputnik. Урыстәыла ауаҩытәыҩса изинқәа рыхьчаҩ Татиана Москалькова Аԥсны, ДЖәР, ЛЖәР, Аахыҵ Уаԥстәыла ромбудсменцәа реиҿкаара аԥҵахоит лҳәеит. Абри атәы аанацҳауеит РИА Новости.
Лара иазгәалҭеит Урыстәыла иахьазы жәларбжьаратәи аусеицура аусхк аҟны ишҭахкааугьы, иалшо зегь ҟаҵалатәуп адунеитә уаажәларра рҟынӡа аиаша анагаразы ҳәа.
Москалькова илҳәеит ауаҩытәыҩса изинқәа рзы ШОС Аконвенциа азырхианы адкылара шаҭаху.
"Ихымԥадатәиуп ҳәа исыԥхьаӡоит ауаҩытәыҩса изинқәа рзы ШОС Аконвенциа азырхианы адкылара, ԥхьаҟазы амилаҭтә ӡбарҭатә усбарҭа ахадараҿы иҟаларатәы, аиҿкаара аҳәынҭқарра-лахәылацәа рҟны ауаҩы изинқәеи ихақәиҭрақәеи еиҿнакаалартә аиԥш", - ҳәа лҳәеит Москалькова ИАР атәылақәеи, евразиатәи аинтеграциеи, аџьынџьуаа рымадареи рзы Аҳәынҭқарратә Дума Аилак аилатәараҿ ҳәа азгәаҭоуп Telegram-канал аҿы.