АҞӘА, хәажәкыра 22 - Sputnik. ЕАА иҟоу Урыстәыла Ацҳаражәҳәарҭа Мариуполь "алагерқәа" аԥҵоуп ҳәа иаладырҵәо мцуп, ухы иузҭамыгӡо информациоуп ҳәа ахырҳәааит ҳәа аҩуеит РИА Новости.
"Мраҭашәаратәи АИХқәа Мариуполь аграждан уааԥсыра асиақәа рыла иалыргоит, рыхәҭак "аԥырхырц", иаанхо "алагерқәа рҿы аус ддыруларц" ҳәа аинформациа аладырҵәоит. Азанааҭзымдырра, амцԥаршеира оумашәа иубартә иҟоуп. "Аинформациатә еибашьраҿы ухы иаурхәалак ҟалоит" апринцип алоуп ари шҳәоу", - ҳәа аҳәоит Telegram-канал аҿы икьыԥхьу Ацҳаражәҳәарҭа аҳәамҭаҿ.
Адипломатцәа иазгәарҭеит аибашьра аҭыԥқәа аанзыжьуа аграждан уааԥсыра ргәаҭарҭатә ҭыԥқәа шракәу ариаҟара мцы зхылҿиааз.