АҞӘА, хәаәкыра 22 - Sputnik. Аԥсны иҟоу Урыстәылатәи Аладатәи арратә база аррамаҵзурауаа Аԥснытәи ашьхақәа рҿы аекстремалтә техникарныҟәашьа ддырҵоит ҳәа аанацҳауеит ААО апресс-маҵзура.
400-ҩык рҟынӡа аррамҵзурауаа атехника хьанҭа, автомашьынақәа УАЗ, ГАЗ, УРАЛ, КамАЗ "Мустанг", иара убасгьы акәылӡтщы машьынақәа БТР-82А рныҟәцара мҩаԥыргоит ашьхаратә ҭыԥқәа рҿы.
Арныҟәцаҩцәа аекстремалтә ҭагылазаашьақәа рҟны ашьхаӡиасқәа, аҭҳәаақәа, амҩаҿҟьарақәа, ахаҳә зныжьлоу амҩақәеи ацәаакырарақәеи ирнысуан.
Аҽазыҟаҵарақәа мҩаԥысуан ҽынлеиԥш уахынлагьы.
Атехника аныҟәцара, ари аидарақәеи рымҩангара рзы аҽазыҟаҵарақәа рыпрактикатә хәҭа мҩаԥгахоит ахысырҭақәа Ҵабали Нагвалоуи рҿы.