АҞӘА, хәажәкыра 28 – Sputnik. Аԥсны иҟоу Аладатәи арратә округ Арадиоелектронтә ҿагылара аҟазауаа иазыԥхьагәаҭаз аҽазыҟаҵарақәа мҩаԥыргеит ҳәа аанацҳауеит Аладатәи арратә округ апресс-маҵзура.
Аҽазыҟаҵарақәа мҩаԥысит ахысырҭа Нагәалоу аҿы. Уа иқәдыргылеит астанциа, еидыркылеит анализ азуразы аԥшыхәратә информациа, ажәыларазы аӷа иартиллериатә координатқәа шьақәдыргылеит.
Иара убасгьы аруаа аӷа ирадиоҳақәеи инавигациатә шьақәгылақәеи ааха рыҭаны ашьхареи амшын аԥшаҳәеи рҿы аӷа иеимадаратә системақәа ршьаҽит.
УАЗ "Патриот" иақәгылоу аимадара еиԥызҟьо ашьақәгыла "Лава" ала аҟазауаа 15 километра иахьаҵанакуа аимадаарқәа еиԥдырҟьеит, аҭыԥеилкаара асистемақәа ишьақәдыргылоз аӷа инавигациатә дыррақәа еицаркит.
Аҽазыҟаҵарақәа хра рыманы имҩаԥысит.