АҞӘА, хәажәкыра 28 – Sputnik. Аԥсны Адәныҟатәи аусқәа рминистр Инал Арӡынба Мрагылара ааигәеи Африка атәылақәеи рзы Урыстәыла ахада ихаҭарнак ҷыда, Урыстәыла АА аминистр ихаҭыԥуаҩ Михаил Богданов диԥылеит ҳәа аанацҳауеит Аԥсны ААР Амедиацентр аофициалтә Telegram-канал аҿы.
Аиԥылараан адипломатцәа алацәажәеит атәылақәа реиныршьа Аԥсни Мрагылара ааигәеи реинырра аконтекст ала.
Аԥсны Адәныҟатәи аусқәа рминистр Москваҟа дцеит хәажәкыра 22 азы. Аԥсны Адәныҟатәи аусқәа рминистр Инал Арӡынба дырԥылеит: Урыстәылеи Белоруссиеи Реидгылатә ҳәынҭқарра Амаӡаныҟәгаҩ хада Дмитри Мезенцев, Урыстәыла ахада ипресс-маӡаныҟәгаҩ, ахада Иусбарҭа анапхгаҩы ихаҭыԥуаҩ Дмитри Песков, Урыстәыла ахада иабжьгаҩ Руслан Едельгериев.
Аиԥыларақәа раан ирылацәажәан: жәларбжьаратәи аинформациатә политика, Евразиатәи аҵакыраҿы аҵарадырреи акультура-гуманитартә усхк аҟны аусеицура арҭбаареи ирызкыз азҵаарақәа