Ахьтәы медалқәа жәбеи раӡны медалки ранашьахеит Аԥснытәи аҭачкәымҟьаҩцәа абокс азы иаарту аицлабра "Аспорт ԥсҭазааратә стильк аҟазшьала" аҟны. Атурнир Ессентуки хәажәкыра 23 - 28 рзы имҩаԥысуан.
Аԥыжәара ргеит: Дамеи Чамагәуа, Аинар Малиа, Данил Ҳаразиа, Дауҭ Хагәышь, Сумбади Артури Саакианаа, Владик Амҷба, Анрик Зарданиа, Аинар Кәырт-оӷлы. Аҩбатәи аҭыԥ ааникылеит Ерасҭ Хьиба.
Аспортсменцәа азыҟарҵоит Давид Аҩӡба, Саид Смыр, Беслан Аршба, Алиас Агрба, Арнольд Гәбаз, Леонид Ҳаразиа, Даур Габриа.
Аҭаҷкәымҟьаразы иаарту аицлабра "Аспорт ԥсҭазааратә стильк аҟазшьала" иалахәын 250-ҩык аспортсменцәа Аԥсны, Ростовтәии Воронежтәи аобластқәа, Ҟабарда-Балкариа, Ҟарачы-Черкесиа, Нхыҵ Уаԥстәыла, Краснодартәи атәылаҿацә, Даӷьсҭан, Чечентәыла, Ингәыштәыла рҟынтә.
Аицәажәара шәаҳар шәылшоит аудиофаил аҟны.