АҞӘА, мшаԥы 3 - Sputnik. Икылкааны ихысуа акомплекс "Искандер" ала Харьков атәылахьчара аштаб иақәыршәаны иҭархан 100-ҩык инареиҳаны анацистцәеи мраҭашәаратәи атәылақәа рҟнытәи қьырала еибашьра иаази, абри азы аҳәамҭа ҟаиҵеит Урыстәыла Атәылахьчара аминистрра аофициалтә хаҭарнак аинрал-маиор Игорь Конашенков.
"Аԥшьаша, хәажәкыра 31 рзы Харьков ақалақь аҟны иҟоу атәылахьчара аштаб икылкааны иеихсыз аоператив-тактикатә комплекс "Искандер" ала иҭархан 100-ҩык инареиҳаны анацистцәеи мраҭашәаратәи атәылақәа рҟнытәи қьырала еибашьра иаази", - иҳәеит Конашенков.
Ҽнак ала урыстәылатәи авиациа иқәнахит Украина арратә обиектқәа 28, урҭ рыбжьара иҟоуп аракета-артиллериатә бџьар ашьҭаҵарҭақәа ҩба, иара убас Украина Арбџьармчқәа рырратә техника ахьгылоу араионқәа 23.
Конашенков иара убас иазгәеиҭеит ЛЖәР архәҭақәа ажәыларақәа ишрыцырҵо, Боровское амацәаз аҭакра ишаҿу, уа ишҭадырхахьоу 30-ҩык рҟныӡа анационалистцәеи акәылӡтәы техника 5-еи.