АҞӘА, мшаԥы 4 – Sputnik, Бадри Есиава. Амҩатә машәыр иахҟьаны Гагра араион аҿы автомашьына Lexus блит ҳәа Sputnik акорреспондент изеиҭарҳәеит Аԥсны АҶА апресс-маҵзураҿы.
"Автомашьынақәа Lexus Toyota Camry еиҿасит. Lexus амца акит, иагьыблит. Асааҭ 12:35 рзы ахҭыс ахьыҟалаз ахь амҩа иқәлеит амцарцәаҩцәа", - рҳәеит апресс-маҵзураҿы.
Аусбарҭа адыррақәа рыла, амҩатә машәыр аан аӡәгьы дҭамхеит, ааха имоуит.