АҞӘА, мшаԥы 4 – Sputnik. Аԥсны иҟоу урыстәылатәи аԥшыхәцәа "аӷа" ишьҭахь ала акәылӡтәы машьынақәа рыла ирыжәшеит атактика-ҷыдатә ҽазыҟаҵарақәа рҳәаа иҭагӡаны ахысырҭақәа Ҵабали Нагвалоуи рҿы ҳәа аанацҳауеит ААО апресс-маҵзура.
Ашьхара ҭыԥқәеи Амшын еиқәа аԥшаҳәа иахьаҵанакуеи аԥшыхәцәа рыҽӡаны ареидқәа шьапылеи акәылӡымашьынақәа рылеи имҩаԥыргеит аӷа "итыл" ахь 20 - 50 километра иҭаланы. Иазгәаҭоуп аԥшыхәратә гәыԥ автономла акыр мшы аус шыруаз.
Аррамаҵзурауаа еибыҭан ацәамаҭәа ҷыда "Ратник" ала, ахархәараз ирыман алазертә нарԥшыгақәа ЛПР-3, уахынла иузырбо ахархәагақәа. Иара убасгьы ахархәара рзыруан аԥшыхәреи аимадарақәеи ркомплексқәа КРУС "Стрелец", аԥырҩы дызҭам ахархәагақәа.
Аӷа ироль нарыгӡон амотохысцәеи анџьныр-минаҵхыҩцәеи рыҟәшақәа.
Аҽазыҟаҵарақәа мҩаԥысуан 300-ҩык рҟынӡа аруааи аԥшыхәратә машьына "Дозор" назлоу 40 ак арратә техникеи алархәны.