АҞӘА, мшаԥы 4 – Sputnik, Асмаҭ Ҵәыџьԥҳа. Украинатәи атәылауаа рзы Аԥснынтәи Урыстәылаҟа алалара аҭагылазаашьақәа ԥсахуп. Урҭ ԥкырада хәажәкыра 30 инаркны аурыс-аԥсуа ҳәаа иахысыр рылшоит ҳәа Sputnik иазеиҭарҳәеит Аԥсны адәныҟатәи аусқәа рминистрраҟны.
Аԥсны Адәныҟатәи аусқәа рминистрра аинформациала, Украина атәылауаа ԥкырада хәажәкыра 30 инаркны аурыс-аԥсуа ҳәаа иахысыр рылшоит.
Украина иҟоу аҭагылазаашьа инадҳәаланы Донецктәии Лугансктәии ареспубликақәеи Украинеи руааԥсыра аҳәаа рахысра ҩбаҟа сааҭ аҭаххоит ауснагӡатә-цҵақәа рымҩаԥгаразы.
Аԥсны алалареи алҵреи аартуп Урыстәыла аҳәаақәа ззаанартуа атәылақәа ртәылауаа рзы. Ареспублика алаларазы иаҭахуп атәылауаҩшәҟәы, авизатә режим иаҵанакуазар – авиза. Аԥснынтәи Урыстәылаҟа алҵразы аҳәаанырцәуаа Аԥсны иҟоу Урыстәыла ААР аконсултә департамент ахь арзаҳал нарышьҭроуп.
2020 шықәса хәажәкырамзазы, акоронавирус апандемиа аамҭазы аҳәаанырцәуаа Урыстәыла иалаларц азы азин рымазар акәын. Арахь иаҵанакуан аԥсуа-аурыс ҳәаагьы. Аамҭақәак рышьҭахь иара рԥсыҽын Аԥсни Урыстәылеи иара убасгьы Украина атәылауаа - ДЖәРи ЛЖәРи инхо рзы.