АҞӘА, мшаԥы 6 – Sputnik. Атәыла ахада иусԥҟала Аԥсны акультура министрс дҟаҵоуп Даур Ақаҩба, абри атәы аанацҳауеит ахада ипресс-маҵзура.
Даур Ақаҩба Аԥсны Ашәарҭадаратә хеилак амаӡаныҟәгаҩ ихаҭыԥуаҩ иҟынтәи ихы дақәиҭтәуп.
Уажәаԥхьа Аԥсны акультура аминистрс дыҟан Гәдиса Агрба, уи жәабран 11 азы Атәыла ахада иусԥҟала инапынҵақәа рҟынтәи ихы дақәиҭтәын. Акультура аминистр инапынҵақәа аамҭала иналыгӡон Динара Смыр.
Даур Ақаҩба Аԥсны адәныҟатәи аусқәа рминистрс дыҟан 2016 шықәса раахыс. Абҵарамза 2021 шықәсазы ари аҭыԥ аҿы иара диԥсахит Инал Арӡынба. Уи ашьҭахь Акаҩба Аԥсны Ашәарҭадаратә хеилак амаӡаныҟәгаҩ ихаҭыԥуаҩыси, жәларбжьаратәи аимадарақәеи аекономзҵаарақәеи рзы ААУ аректор ихаҭыԥуаҩыси дҟаҵан.