АҞӘА, мшаԥы 7 - Sputnik. Sputnik Meedia уаанӡатәи аусуҩцәа Елена Черышевеи Мати-Дмитри Терестали аанкылоуп Естониа. Дара жәларбжьаратәи асанкциақәа еиларгеит ҳәа иршьоит ҳәа аҩуеит апортал Delfi.
Иаанкылоу рколлегацәа РИА Новости иазеиҭарҳәеит Елена Черышевеи Мати-Дмитри Терестали рыҽрымадара шрылымшаз.
"Иахьа (ахаша - аред.) ашәарҭадаратә полициа иааныркылеит Еленеи (43 шықәса) Мати-Дмитрии (50 шықәса)", - аҩуеит Delfi.
Ашьаус аматериалқәа инарықәыршәаны Sputnik Meedia аусуҩцәа Елена Черышевеи Мати-Дмитри Терестали жәларбжьаратәи асанкциақәа еиларгеит– асанкциа иаҵанакуаз ахаҿы урыстәылантәи иаашьҭу аԥара ирҭеит, иара убасгьы Sputnik Meedia напхгара арҭон 2022 шықәса хәажәкыра 1 азы Евроеидгыла иаланагалаз асанкциақәа рышьҭахь ҳәа иршьоит.
Хәажәкыра алагамҭазы Sputnik Meedia аредактор-хада Елена Черышева аҳәамҭа ҟалҵеит ашықәс аҩнуҵҟа Естониа абанкқәа амаҵзура аусуҩцәа рԥарақәа шааныркылоз, Sputnik Meedia аԥхьаӡамҭақәа шадыркуаз "атерроризм аԥаразоужьра мҩаԥыргоит" ҳәа ҵаҵӷәыс иҟаҵаны. Уи адагьы аҵыхәтәантәи аамҭазы аниусмеикерцәа апортал аус ацура мап ацәыркуан, аредактор-хадеи аусуҩцәеи рыхьӡала идырым ахаҭарақәа рҟынтәи ирықәмақарруа иалагеит.
Иаанкылоу рколлегацәа РИА Новости иазеиҭарҳәеит Елена Черышевеи Мати-Дмитри Терестали рыҽрымадара шрылымшаз.
"Асааҭ 14:00 инаркны асааҭ 22:00 рҟынӡа аполициа аимдарақәа мҩаԥыргон русураҿы. Уи ашьҭахь дара рхабар ҳаздырам", - иҳәеит амаҵзура зыҿцәажәоз.
Апортал Delfi апрокурор Таави Перн иажәақәа ааго иазгәанаҭоит жәларбжьаратәи асанкциақәа еиларгеит ҳәа ахара шырхарарҵо.
Амедиагәыԥ "Россия сегодня" (https://t.me/zubovskiy4/10757) Естониа амчрақәа ирыднаҵоит апортал Sputnik Meedia аусуҩцәа ахьыҟоу рҳәарц.
Sputnik Meedia уаанӡатәи Sputnik Естониа аусуҩцәа иаԥырҵеит.