АҞӘА, мшаԥы 11– Sputnik, Бадри Есиава. Аԥснытәи абоксиор Анри Аршба Москватәи астудентцәа рыбжьара аспорттә хәмаррақәа рҿы араӡны медал игеит ҳәа Sputnik иазеиҭеиҳәеит аспортсмен иазыҟаҵаҩ, Аԥсны абокс Афедерациа ахада Альберт Карди-оӷлы.
"Анри 67 кьыла иҟоу рыбжьара дықәгылеит. Афинал аҿы диндаҭлон урыстәылатәи абоксиор Дмитри Бурмистров. Алҵшәақәа ирнырыз маҷмызт. Урҭ иреиуоуп апандемиа амҭааз иахьынӡахәҭаз аҽазыҟаҵара ахьилымшаз", - иҳәеит иара.
Карди-оӷлы ишиҳәаз ала Аршба Москватәи афинанстә университет ахьӡала дықәгылон.
Карди-оӷлы иажәақәа рыла ари амзаз Москва иазгәаҭоу абокс азы ачемпионат Аршбагь далахәхар ҟалоит.
Боксер из Абхазии завоевал "серебро" на московских студенческих спортивных играх
© Foto / Альберт Карди-оглы
Анри Аршба 18 шықәса ихыҵуеит, Москватәи афинанстә университет аҿы аҵара иҵоит, Урыстәыла аспорт азҟаза ҳәа икандидатура ықәгылоуп. Абокс инапы алеикит ԥшьышықәса раԥхьа Альберт Карди-оӷлы инапхгарала. Аолимпиатә резерв ашкол далахәылоуп.
2020 шықәсазы Урыстәыла еизгоу акоманда далахәны жәларбжьаратәи аиԥылараҿы Белоруссиатәи аспортсмен диааиит.