АҞӘА, мшаԥы 12- Sputnik. Уахыки-ҽнаки рыла Аԥсны ауааԥсыра COVID -19 азы атестқәа арҭеит 73-ҩык, урҭ рахьтә хҩык аҿкчымазара шрымаз аадырԥшит ҳәа аанацҳауеит ауааԥсыра акоронавирус рацәыхьчаразы аоперативтә штаб.
Ари аамҭазы Гәдоуҭатәи араионтә хәшәтәырҭа хадаҿы ишьҭоуп 10-ҩык, рҭагылазаашьа бааԥсуп 4-ҩык, ибжьаратәуп 6-ҩык. Аҟәатәи аинфекциатә хәшәтәырҭаҿы дырхәшәтәуеит акоронавирус зцәа иалоу аӡәы. Очамчыра ирхәшәтәуеит хҩык, Гагратәи ахәшәтәырҭаҿы - аӡәы, Тҟәарчалтәи ахәшәтәырҭаҿы хҩык ачымазцәа шьҭоуп.