Апарк иахьаҵанакуа адгьыл аҭира ҟалашьа змам усуп, ҳәа азгәеиҭеит аиҿцәажәараҿы Џьопуа.
"Алаҳәараҿы иқәгылаз афотосахьақәа дара ракәӡам. Алаҳәара зкьыԥхьуаз ус еиԥш афото ықәдыргылеит, уи зыҟарҵаз атәы сызҳәом, аха хә-гектарк рҟынӡа иҟоу апарк аҭира мамзаргьы аахәара азин ыҟаӡам. Апарк аҳәаақәа ртәы зҳәо ахсаала арион аҿы иҟоуп. Уаҟа аҵлақәа игылоу рхыԥхьаӡара инаркны аинформациа зегьы арбоуп. Ҳәарада, апарк ҵакыраҿы адгьыл аҭира ҟалашьа змам усуп", - ҳәа инаҵшьны иазгәеиҭеит Џьопуа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.