АҞӘА, мшаԥы 14 - Sputnik. Роспотребнадзор COVID-19 азы иуникалтәу атест аԥнаҵеит ҳәа аанацҳауеит аусбарҭа асаит.
Адунеи аҟны ираԥхьатәиу аизотермиатә тест аамҭак ала авирус SARS-CoV-2 агеном ахәҭақәа ҩба аанарԥшуеит
Аҭак аиура аамҭа акәзаргьы, 20-25 минуҭ ракәхоит иаҭаххо. Аклассикатә ПЦР-тест – сааҭки бжаки аҭахуп.
Аусбарҭа адыррақәа рыла, иарбанзаалак акоронавирус аштамм атест актәи аверсиа аанарԥшуеит, ареагент ҿыцқәагьы арезервтә ҳәа иԥхьаӡазар ауеит аҽеиҭакрақәа раан.
Иазгәаҭоуп анализ аццакра, анырра ҳарак акоронавирус алаҵәара ахылаԥшра бзиа шанаҭо, COVID-19 змоу апациентцәа аханатә ачымазара шрымоу аанарԥшуеит.