АҞӘА, мшаԥы 15– Sputnik. Акультура аминистр Даур Ақаҩбеи Аԥсны ақалақьқәеи араионқәеи рҟны иҟоу акультуратә ҟәшақәа реиҳабацәеи рнапхгаҩцәеи реиԥылараан еицнарыгӡарц зылшо апроектқәа ирылацәажәеит.
Ақаҩба иазгәеиҭеит ақалақьқәеи араионқәеи акультуратә ҟәшақәа русеицура аҵакы ду шамоу, иҳәеит ақыҭақәа рҟны еиуеиԥшым апроектқәа рынагӡаразы ацхыраареи адгылареи шриҭо.
Аиԥылараҟны ажәалагала ҟаҵан, араионқәа рҟны еиҿкаау аҟазаратә коллективқәа еиҭанаиааины аконцертқәа мҩаԥыргарц.
Аиԥылара алахәылацәа хара имгакәа иҟоу апроектқәа рынагӡаразы, иҟаҵатәу ашьаҿақәа рылацәажәаразы ишеиқәшәо рҳәеит.