АҞӘА, мшаԥы 15– Sputnik. Атәылахьчара аминистрра арратә тәанчаҩцәа ашәҟәы реиҭаҭаҩра иалагоит ҳәа аанацҳауеит аусбарҭа асаит.
Ари аус аҭахны иҟоуп асоциалтә еиқәыршәара иазоужьу аԥарақәа хра рыманы рныхраз ахылаԥшра аҭаразы ҳәа рҳәеит аминистрраҿы.
Аиҭашәҟәҭаҩра мҩаԥгахоит Аҟәа, Ареспубликатә комиссариат аҟны мшаԥы 18-29 рзы. Арратә тәанчаҩцәа Аԥсны атәылауаҩшәҟәа рыманы инеироуп абри аҭыӡҭыԥ ахь: Аиааира амҩаду, ахыбра 9.