АҞӘА, мшаԥы 16 – Sputnik. Аҟәатәи аинфекциатә хәшәтәырҭаҿы COVID-19 змоу аӡәгьы даанымхаӡеит, ҳәа аанацҳауеит Аԥсны ауааԥсыра акоронавирус рацәыхьчаразы Акоординациатә штаб.
Гәдоуҭатәи араионтә хәшәтәырҭа хадаҿы ишьҭоуп 12-ҩык, рҭагылазаашьа бааԥсуп ҩыџьа. Очамчыратәи аковид ҟәшаҟны ирхәшәтәуеит ҩыџьа, Гагратәии Тҟәарчалтәии ахәшәтәырҭақәа рыҟны аӡәа-ӡәа шьҭоуп.
"Аҟәатәи аинфекциатә хәшәтәырҭаҿы COVID-19 змоу аӡәгьы даанымхаӡеит", - ҳәа аҳәоит аҳәамҭаҿы.
Иҳаҩсыз уахыки-ҽнаки рыла Аԥсны ауааԥсыра COVID-19 азы атестқәа арҭеит 63-ҩык, урҭ рахьтә хәҩык аҿкчымазара шрымаз аадырԥшит.
Аепидемиа ҵысижьҭеи Аԥсны аҿкчымазара зыхьхьоу ауаа рхыԥхьаӡара 53592-ҩык рҟынӡа инаӡеит, ргәы бзиахахьеит 52533-ҩык, рыԥсҭазаара иалҵхьеит 682-а.