АҞӘА, мшаԥы 18 - Sputnik. Амҵәышәмпыл азы Аԥсны еизгоу акоманда Краснодартәи атәылаҿацә ачемпионат афиналбжахь инеит ҳәа аанацҳауеит аҿари аспорти рзы Аҳәынҭеилакы асаит.
Аԥхьатәи аиндаҭлараан аԥснытәи аспортсменцәа Темриуктәи акоманда 77:55 ҳәа ираԥыргеит, аҩбатәи аан - акоманда "Славянск" 67:68 ҳәа иаҵахеит.
Ҩ-турк реихшьаалала Аԥснытәи акоманда хә-иааирак агеит, знык иаҵахеит. Абас ала, аҩбатәи аҭыԥ ганы афиналбжахь инеит.
Афиналбжа мҩаԥгахоит лаҵара 29 рзы. Аԥснытәи акомандеи Гьеленџьик акомандеи еиндаҭлоит. Иаиааиз лаҵара 30 рзы афинал ахь инеиуеит.