Аԥсны

Гагра имҩаԥысит зых иақәиҭу аиқәԥаразы Аԥсны ачемпионат

Шәҩык инарзынаԥшуа аспортсменцәа қәыԥшцәа рхы рыладырхәит Аԥсны аҿари аспорти рзы Аҳәынҭеилаки зых иақәиҭу аиқәԥаразы Аԥсны афедерациеи еиҿыркааз аицлабрақәа.
Sputnik
АҞӘА, мшаԥы 18 – Sputnik. Мшаԥы 17 рзы Гагра имҩаԥысит зых иақәиҭу ақәԥаразы Аԥсны ачемпионат ҳәа аанацҳауеит Аԥсны аҿари аспорти рзы Аҳәынҭеилакы асаит.

Шәҩык инарзынаԥшуа аспортсменцәа қәыԥшцәа рхы рыладырхәит арҭ аицлабрақәа.

Ауснагӡатә аартра иазкыз аныҳәатә церемониа иалахәын Аԥсни Урыстәылеи еицырдыруа аспортсменцәеи азыҟаҵаҩцәеи – абырзен-римтә қәԥараз аолимпиатә чемпион Алан Хугаев, Аԥсны абаҩрҵәыреи аспорти зҽаԥсазтәыз русзуҩ Ислам Калаев, Европа ачемпион Рашь Хәытаба, Аԥсны зҽаԥсазтәыз азыҟаҵаҩ Ӡука Бениа, СССР аспорт азҟазацәа Леонид Боџьгәуеи Борис Џьергьениеи, зых иақәиҭу ақәԥаразы Аԥсны еизгоу акоманда азыҟаҵаҩ Џьарназ Бениа, Аҳәынҭеилакы ахантәаҩы Џьамал Гәбаз, Аолимпиатә хәмаррақәа рҟны ахԥатәи аҭыԥ згаз, аспортқәԥара Афедерациа ахада Денис Царгәыш.
Аԥсны
Аԥснытәи аспортсмен зых иақәиҭу аиқәԥаразы аицлабраҿы аҩбатәи аҭыԥ ааникылеит