АҞӘА, мшаԥы 18 – Sputnik. Урыстәылатәи аруаа Украина аџьаԥҳанышьҭаҵарҭақәа ԥшьба еиладырбгеит аракетақәа "Искандер" рыла ҳәа аанацҳауеит аофициалтә Telegram-канал аҿы Атәылахьчара аминистрра.
"Аракетатә ар аракетақәа "Искандер" рыла аџьаԥҳанышьҭаҵарҭақәа ԥшьба, украинатәи арратә техника, аӷа ир ргыларҭақәа хԥа ааха рырҭеит аиланхарҭақәа Попаснаиа, Иамполь, Краматорск рҿы", – аҳәоит адырраҭараҿы.
Мшаԥы 17 - 18 рзы аракетақәа рыла иҭархан 16 арратә обиект: акомандаҟаҵаратә ҭыԥқәа хәба, абылтәыҵәахырҭа, аџьаԥҳаныҵәахырҭақәа хԥа, арратә техника, аруаа аиланхарҭақәа Барвенково, Гулиаи Поле, Камышевах, Зеленое Поле, Великомихаиловка, Николаев рҿы.
Аусбарҭа адыррала, урыстәылатәи аоператив-тактикатә авиациа ари атехникеи ргыларҭақәа 108 ааха рырҭеит, арратә авиациа 8 танки акәылӡымашьынақәеи ҭадырхеит.
Иара убасгьы урыстәылатәи ПВО аҳауаҿы иҭадырхеит аҳаирпланқәа 3, аԥырҩы дызҭам ахархәагақәа 11, имҩахҟьан Чернобаевка иақәкны украинатәи РСЗО иҭдырҟьаз 10 ахгәыцәқәа.
Урыстәылатәи артиллериа 315 обиект ааха рырҭеит.