АҞӘА, мшаԥы 19 - Sputnik. Нестор Цужба мшаԥы 18 азы Гориачи Клиуч имҩаԥысуаз аԥқьаҭасразы Урыстәылатәи атурнир аҟны аиааира игеит ҳәа аанацҳауеит аҿари аспорти русқәа рзы Аҳәынҭеилакы.
Аспортсмен 9-10 шықәса зхыҵуаз дрыланы дықәгылон. Нестор ахԥатәи акласс аҿы аҵара иҵоит, ԥшьышықәса ҵуеит аԥқьаҭасра инапы алакуижьҭеи.
Нестор дазыҟалҵоит Аԥсны ареспубликатә ԥқьаҭасратә школ адиректор Елизабет Акуциаԥҳа.
Ииасыз ашықәс абҵарамзазы аспортсмен Казан имҩаԥысуаз атурнир "Star Play” далахәын, сынтәа, хәажәкырамзазы Цужба актәи аҭыԥ игеит 10 шықәса зхыҵуа рыбжьараҿы аԥсшьарамш атурнир "Аԥқьаҭасратә центр "Горизонт" аԥхьахә" аҟны.