АҞӘА, мшаԥы 20 - Sputnik. Адыгеиа Аҳәынҭқарратә симфониатә оркестри П. И. Чаиковски ихьӡ зху XV Жәларбжьаратәи аицлабра алауреат, апианист Дмитри Маслееви ргострольқәа Аԥсны имҩаԥысуеит ҳәа аанацҳауеит Акультура аминистрра апресс-маҵзура.
Агастрольқәа рымҩаԥгара иалацәажәан Аԥсны акультура аминистр Даур Ақаҩбеи ФГБУК РОСКОНЦЕТР адиректор хада Андреи Малышеви реиԥылараан.
Аганқәа алацәажәеит Аԥсни Урыстәылеи рырҿиаратә коллективқәа злахәу акультуратә проектқәа реицымҩаԥгара.
Мшаԥы 17 азы Даур Ақаҩба акультура аминистр иҳасаб ала аусуратә еилацәажәарақәа рзы Москваҟа дцеит.
Мшаԥы 18 азы Аԥсни Москватәи аобласти акультуратәии атуристтәии усхк аҟны реинырразы апроектқәеи азҵаарақәеи ирылацәажәеит Аԥсны акультура аминистр Даур Ақаҩбеи Москватәи аобласт акультура аминистр Елена Харламови.
Мшаԥы 19 азы аминистр диԥылеит ИАР атәылақәа русқәа рзы Аҳәынҭдума аилак ахантәаҩ ихаҭыԥуаҩ Казбек Таисаев. Аиԥылараан ирылацәажәан акультура аусхк аҟны аԥыжәаратә усқәеи аусеицуреи рызҵаарақәа.