АҞӘА, мшаԥы 20 - Sputnik. Аԥсны акультура аминистр Даур Ақаҩба аусураз урыстәылаҟа ицара аҳәаақәа ирҭагӡаны дырԥылеит Москватәи ақалақьтә Дума ахада Алексеи Шапошникови, урыстәылатәи аҳҭнықалақь акультура адепартамент анапхгаҩы Александр Кибовскии.
Аганқәа алацәажәеит аҩтәылак рартистцәеи аҟазаратә коллективқәеи алархәны имҩаԥыргарц зылшо акультуратә проектқәа, иара убас иазааҭгылеит акультуреи аҟазареи русхкқәа рҟны русеицура арҭбаара.
Уи аԥхьа Ақаҩба дырԥылахьан Москватәи аобласт акультура аминистр Елена Харламови, Росконцерт адиректор хада Андреи Малышеви.