АҞӘА, мшаԥы 21 - Sputnik. Аҟәатәи асамбист Вагид Гилиазетдинов актәи аҭыԥ игеит урыстәылазегьтәи аицлабрақәа рҿы, Петропавловск-Камчатски ақалақь аҟны ҳәа Sputnik иазеиҭеиҳәеит Аԥсны адзиудои асамбои рзы Афедерациа ахада ихаҭыԥуаҩ Андреи Погосов.
Аԥснытәи аспортсмен "ахьы" ианашьахеит 30 кьыла зкапануаз рыбжьара хә-иааирак ганы.
Иара убасгьы далкаан Аԥсны еизгоу акоманда азыҟаҵаҩ еиҳабы Роберт Новоиан – иара ианашьан аԥхьахә ҷыда "Аиааира аҽазышәараз".
Арԥарацәеи аҭыԥҳацәеи рыбжьара асамбо азы итрадициатәу XXXI аицлабрақәа мҩаԥысит мшаԥы 16-18 рзы Петропавловск-Камчатски аҟны, Камчаткатәи аспорт аветеран Утенышев игәалашәара иазкны.
Атурнир иалахәын 300-ҩык аспортсменцәа Урыстәыла арегионқәа рҟынтә, иара убас Аԥснынтә.