АҞӘА, мшаԥы 21 - Sputnik. Урыстәыла аоператив-тактикатәии арратә авиациеи амш иалагӡаны 73 арратә обиектқәа ԥыржәеит ҳәа иҳәеит Атәылахьчара аминистрра ахаҭарнак ҷыда, аинрал-маиор Игор Конашенков.
Арахь иаҵанакит аракета-артиллериатә бџьари аџьаԥҳани рышьҭаҵарҭақәа ҩба.
Урыстәыла АКМ рракетақәа ааха рырҭеит украинатә арратә ргыларақәа 12. Убри аан иҭархоуп 150-ҩык амилаҭеилыхыҩцәа, анапхгараҭаратә ҭыԥқәа 2, ареактивтә системақәа рышьақәгылақәа 5, акәылӡтехника – 8.
Анапхгараҟаҵаратә ҭыԥқәа 4, аӷа ир ргыларҭақәа, аџьаԥҳанышьҭаҵарҭақәа ааха рыҭоуп.
Корови Иар араион аҟны урыстәылатәи аҳауаҿыгалартә мчқәа икарыжьит украинатәи авертолиот Ми-8.
Атәылахьчара аминистрра адыррала, аоперациа ҷыда иалагазар украинатәи ар ирцәыӡхьеит: 140 ҳаирплан, 106 вертолиот, 498 аԥырҩы дызҭам ахархәагақәа, 254 азенит-ракетатә комплекс, 2397 танки акәылӡы машьынеи, 261ареактивтә системақәа рышьақәгыла, 1038 артиллериеи аминаршәгақәеи иара убасгь 2244 ак арратә автомашьынатә техника.